Բելևալիա պիկնաթա - Беллевалия пикната - Bellevalia Pycnatha

Շուշանազգիների ընտանիքին պատկանող բազմամյա սոխուկավոր բույս է: Հայաստանի ֆլորայի այն ներկայացուցիչներից է, որոնք դեկորատիվ մեծ արժեք են ներկայացնում և միանգամայն հեռանկարային են մշակության մեջ մտցնելու համար: Մեր հանրապետությունում հանդիպում են այս ցեղի մոտ տասը ներկայացուցիչներ, որոնց շարքում պիկնաթան աչքի է ընկնում համեմատաբար բարձր դեկորատիվ առանձնահատկություններով: Ընդհանրապես ծաղկեգործության բնագավառում այս ցեղի ներկայացուցիչները հայտնի չեն:

Ցածրաճ բույս է, բարձրությունը հազիվ է հասնում 15-30 սմ-ի: Վաղ գարնանը բացվում են նեղ նշտարաձև կամ ժապավենաձև 3-6 տերև: Դրանք լինում են մուգ կանաչ` 10-20 սմ երկարությամբ, որոշ չափով ալիքավոր: Անմիջապես սոխուկից առաջանում է ծաղկակիր  ցողունը, որը կրում է 15-40 (երբեմն` 50) ծաղիկներից կազմված ողկույզ: Ծաղիկները, որոնք բացվում են  վաղ գարնանը, մուգ մանուշակագույն են, շերտավոր: Գերադասում է չափավոր խոնավ, սննդանյութերով հարուստ,  լավ դրենաժի ենթարկված հողեր: Լուսասեր է և բավականին ցրտադիմացկուն: Լավ է դիմանում ժամանակավոր երաշտին:

Բելևալիա պիկնաթա - Беллевалия пикната - Bellevalia Pycnatha

Մեր հանրապետությունում տարածված բելևալիներից մեծ արժեք են ներկայացնում նաև երկարակաթել, ալբանական և կապտավուն տեսակները, որոնք հիմնականում հանդիպում են Արարատյան դաշտում և նախալեռնային գոտում:  

Հարցեր, պատասխաններ, մեկնաբանություններ